Математикадан қазақша үздік youtube каналдар - “қатаң аналитика”

Құрметті математика жанашыры! Қазақстанда математика пәнін қашықтықтан оқыту процесі қарқынды дамып келеді. Олардың ішінде түрлі сайттар, электронды кітапханалар, сонымен қатар, әсіресе, бүгін біз сөз қылып отырған - видеосабақтар бар.

Youtube желісінде видеосабақтар жүргізіп жүрген, сабақтан тыс уақытын шығармашылыққа арнайтын отандық мұғалімдерімізге мың алғыс! Себебі, барлық сабақтар - тегін, әрі қолжетімді.

Дегенмен, кейбір тақырыпты түсінбей жатқанда, керекті видеомызды табудың өзі көп уақытымызды алып жатады. Бір видеоканалдың ішінде жүріп-ақ іздеген тақырыбымызды таппай жатамыз. Сондықтан, математикадан қазақша ірі youtube каналдарды талдап, сіздердің алдарыңызға қажетті каналдарды ұсынғым келеді.

Төменде ең танымал 15 каналды салыстыру көрсеткіштері берілген.

Қолданушылар саны бойынша

Тіркелген қолданушылар санына қарай: ең көп халықтың ықыласына бөленген youtube канал - “ҰБТ Академиясы” екені белгілі болды. Оның қазіргі таңда 41 000-ға жуық тұрақты қолданушысы бар.

Математикадан салынған видеолар саны бойынша

Видеоконтенттерді жинап салудың өзі ұзақ процесс. Соған қарамастан аздаған уақыттың ішінде көптеген видеолар салған каналдарымыздың бірі - “Da Vinci”. Бұл каналда қазір 1309 видео бар екен. Яғни бұндай қарқынмен әлем бойынша танымал Салман Ханның (Khan Akhademy 2600 видео) өзін басып озуы ғажап емес.

Қосымша артықшылықтары

---

Видеосабақ түсіру әркімге әртүрлі сипатта болуы мүмкін: бір мұғалім тақтамен көрсетсе, біреуі графикалық планшетпен және кейбіреуі құжат камерасы арқылы қағазға жазып түсіндіруі мүмкін. Естеріңізге сала кетейік, жоғарыда көрсетілгендер кемшіліктер емес. Сіз қандай сипаттағы видеоны жақсы түсінесіз , соған байланысты таңдау үшін берілген мәліметтер. Дегенмен, видео, аудио секілді техникалық жағы да - тыңдарманның көңілінен шығу үшін сапалы болуы тиіс деп ойлаймын.

Сонымен біз қандай қорытындыға келдік?

Зерттеу барысында әрине бұларға ғана мән бермейтініміз белгілі. Мысалға, мұғалімнің сапалы түсіндіруі де - үлкен бір фактор. Бұл жағынан баға беру әрине халықтың еншісінде. Өзіме жеке ұнағаны DA VINCI каналы және Нұркен Мажитов каналы, құрметті оқырман, ал сіз қайсысын таңдайсыз? Немесе қалып қойған жақсы каналдар бар ма? Ой бөліссеңіз…

Канал авторларына тек сәттілік тілейміз!

Каналдарға сілтеме:

“Matemagia_kz”, “Smart Bilim”, “ҰБТ мектебі”, “SerAi Academy”, “MegaMath”, “QazaQ Academy”, “TalantUm TV”,

“ҰБТ Академиясы”, “Dostyk Bilim”, “Таир Нурпеисов”, “e-sabak.kz”, “Эвклид Орталығы”, “Видеокурсы DA VINCI”, “Назерке Серикова”, “МАТЕМАТИКА ТРЕНДІ”, “Нуркен Мажитов”