Интернеттен кітапты қалай жүктеуге болады? Нұсқаулық

Сәлем, бүгін біз интернеттен ты қалай жүктеуге болады деген сұраққа жауап беретін боламыз. Әрине, жауабы оңай болып көрінеді. Google немесе Yandex секілді іздеу сервистерінен кітаптың атын жазсаң болды, шыға келеді деп ойлаймыз.

Дегенмен бұл - әмбебап шешім бола алмайды. Неге десеңіз, google-ден табылған нәтижелердің 90%-ы біз сұраған нәтиже емес. Ал олардың жартысынан көбі өтірік жарнама мен вирусты программалар. Оларды байқамай орнатып алып, компьютерімізді кейде бұзып та аламыз.

Сұрақтың жауабын естімес бұрын кішкене ой қозғап көрейік: “Электронды базалары әлемдегі ең үлкен кітапханаларға айналып отырған сайттарды білеміз бе?”

Біз кітап жүктей алатын үздік ТОП 3 сайттарды атап өтейік.

3-орын. “nashol.com

Сайтта кітаптар қоры жеткілікті, Кітап авторы бойынша, атауы немесе жылдары бойынша іздеп таба аласыз. Егер сіз іздеген кітабыңыз жайлы ақпарат білмесеңіз, кірудің қажеті жоқ деп ойлаймын. Өйткені, бөлімдер бойынша топтастырылмаған.

2-орын. “alleng.ru

Сайтта математикадан орыс тіліндегі кітаптардың барлығын дерлік табуға болады. Тақырып бойынша топтастырылған, көруге, іздеуге барлық жағдай жасалған.

1-орын. “gen.lib.rus.ec

Бұрын соңды естідіңіз бе, жоқ па: генлиб, либген және либрусек атауларымен тарихта қалған сайт. Әлемдегі ең үлкен электронды кітапхана.

Бұл сайт Ресейде құрылған. 2015 жылы Нидерландыдағы Elsevier баспасы авторлық құқық үшін кінәлі деп тапты. Алайда, оған қолданатын заң күші жоқ болған соң, түсініксіз аяқталды. Ұлыбританияда бұл сайтқа толық тосқауыл қойылды.

2015 жылы Нью-Иорктегі аудандық сот libgen.org домендік атауын тоқтатуға шешім қабылдады. Дегенмен бұл сайт әртүрлі қосымша домендермен қолданыста жүр.

Ия, неге бірінші орында десеңіз, genlib-тің базасында 2016-жылдың өзінде кітаптарды қоса есептегенде 50 миллионға жуық ғылыми жұмыс табылған. Бұл сайттан сіз Google-Академиядағы және Amazon секілді интернет дүкендерде сатылымда тұрған кітаптарды да таба аласыз. Қысқаша осы, Сайт домені бойынша кіріп көріңіз, өзіңіз баға бере жатарсыз.

Бір қынжылтатыны, қаншама кітаптардың ішінен бірде-бір қазақша ресурс жоқ.

Егер сізге математикадан қазақша кітаптар қоры қажет болса, осы сайттың кітаптар бөліміне өтіңіз

Мұғалімдерге, оқушыларға ресурстар қоры жеткілікті болса, қазақ білімінің алға басуына үлкен жол ашылады деп ойлаймын.

Мәселен бұл - сабақтағы дифференциация үшін таптырмас құрал. Оқушы үйге берілген тапсырманы әртүрлі ресурстардан қарап келеді. Ал, мұғалім оқушылардың деңгейлеріне сай тапсырманы әртүрлі кітаптардан, сонымен қатар, әр оқушыға әртүрлі тапсырма бере алады. Кітапты қайдан табамын? - деген артық сұрақ болмайды, nismath-тан қара дейсіз. Керемет! Менің де арманым осы еді.

nismath.org сайты 2018 жылдың шілдесінде құрылды. Айта кетерлік жайт - сайт ешқандай жарнамамен ақша түсірмейді және барлық ресурс тегін.

Жоғарыда көрсетілген мағлұмат тек математиктер үшін ғана емес деп ойлаймын. Сондықтан достарыңызбен бөлісуді ұмытпаңыз, олар да біле жүрсін.

Видеосы мына сілтемеде https://youtu.be/-UoPkdNQMa8

Осы тақырыптағы посттар

Пікір қалдыру

Сіздің электронды почтаңыз жарияланбайды, Міндетті жолдарды толтырып шығыңыз.